Прэс-сакратара «А1» Мікалая Брэдзелева пачнуць судзіць у канцы жніўня
У Мінгарсудзе 29 жніўня пачнецца суд над палітвязнем Мікалаем Брэдзелевым. Яму інкрымінуюць ч. 2 арт. 424 КК (Злоўжыванне ўладай ці службовымі паўнамоцтвамі) і арт. 361-2 КК (Фінансаванне дзейнасці экстрэмісцкага фармавання). Вядома, што судзіць яго будуць за «фінансаванне экстрэмісцкага фармавання» па змененым артыкуле. У рэдакцыі ад 26 траўня 2021 года гэтая фармулёўка адсутнічала. Цяпер гэта — «фінансаванне экстрэмісцкай дзейнасці або дзейнасці, накіраванай на рэабілітацыю нацызму», піша «Вясна».
07.08.2022 / 17:57
35-гадовага кіраўніка ўпраўлення сувязяў з грамадскасцю кампаніі A1 Мікалая Брэдзелева затрымалі 10 снежня. Вядома, што сілавікі яго збівалі. Адразу Мікалая асудзілі на 15 сутак, а пазней перавялі на Валадарку.
Пасля затрымання на праўладных каналах з’явілася «пакаяльнае відэа» з Мікалаем. Тады падамлялася, што ён нібыта «зліваў» нейкую інфармацыю Антону Матольку.