ŚMI: Hałoŭnaha chiersonskaha kałabaranta atruciŭ ułasny kuchar, jon pa-raniejšamu ŭ reanimacyi
Pryznačany rasijanami «kiraŭnik» akupavanaj Chiersonskaj vobłaści Uładzimir Salda znachodzicca ŭ reanimacyi z 3 žniŭnia. Jak piša rasijski telehram-kanał Baza sa spasyłkaj na krynicy, u maskoŭskaj balnicy, dzie ciapier znachodzicca Salda, jamu dyjahnastavali atručeńnie. U sprobie atrucić padazrajuć jahonych kuchara i pakajoŭku.
07.08.2022 / 16:38
Śćviardžajecca, što novaha kuchara napiaredadni pierad vierahodnym atručvańniem pryviała pakajoŭka, jakaja pracuje ŭ domie Salda. Praz paŭhadziny paśla taho, jak kiraŭnik kałabaracyjanisckaj administracyi pajeŭ, u jaho pačałosia pamutnieńnie rozumu, potym stali dranćvieć palcy. Jašče praz paru hadzin jon straciŭ prytomnaść.
Čym mienavita byŭ atručany kałabarant, pakul nieviadoma — vyniki analizaŭ stanuć viadomyja paźniej.
Zrešty, jahony hałoŭny paplečnik Kirył Stremavusaŭ uvohule pakul admaŭlaje toje, što šefa atrucili. U jaho, maŭlaŭ, prosta vialikaja stomlenaść ad napružanaj pracy i pastajannych niervaŭ.