Pad Kłajpiedaj znajšli cieła tapielca. Vidać, heta patanuły niekalki dzion tamu biełarus
Na plažy ŭ Kłajpiedskim rajonie znajšli cieła mužčyny, paviedamlaje Delfi.lt. Heta adbyłosia 28 lipienia ŭ 6.29 na miascovym plažy Hirulaj. Na miortvym mužčynie byli tolki płaŭki.
28.07.2022 / 17:40
Cieła znajšli niepadalok ad hetaha miesca, jakoje zaviecca Hałandski kaŭpak
U miascovaj palicyi miarkujuć, što heta cieła patanułaha piać dzion tamu biełarusa.
23 lipienia na plažy Hirulaj było troje biełarusaŭ. Niahledziačy na toje, što kupańnie było zabaronienaje z-za vialikich chvalaŭ, jany adpravilisia płavać. Dvuch mužčyn udałosia vyratavać, a treciaha biełarusa 1980 hoda naradžeńnia tady nie znajšli, choć u pošukach zadziejničali viertalot i vadałazaŭ.