У Дзень хрышчэння Русі з Беларусі запусцілі па Украіне 25 ракет
З аэрадрома «Зябраўка» пад Гомелем сёння раніцай былі запушчаныя каля 25 ракет у бок Украіны.
28.07.2022 / 07:57
Пра гэта паведамляе «Беларускі Гаюн».
У Чарнігаўскай вобласці зафіксаваны прылёт 9 ракет у лясны масіў.
Паведамляецца таксама пра ракетны ўдар па Вышгарадскім раёне Кіеўскай вобласці.
Ракетны ўдар быў нанесены ў Дзень хрышчэння Русі і ўкраінскай дзяржаўнасці, які адзначаецца 28 ліпеня.
Уладзімір Зяленскі адказаў на ракетны ўдар кароткай заявай: «Мы не здамося, не апусцім рук. Нас не застрашыць».