Bloomberg: Kreml daručyŭ «Hazpramu» rychtavacca da doŭhaha adklučeńnia hazu Jeŭropie
Mierkavańnie zachodnich čynoŭnikaŭ, što Uładzimir Pucin maje namier trymać Jeŭropu ŭ stanie «pastajannaj paniki» adnosna pastavak hazu, paćviardžajecca insajdarami z Kramla. Pakul praciahvajecca supraćstajańnie va Ukrainie, rasijskija kiraŭniki majuć namier trymać pastaŭki hazu ŭ Jeŭropu na minimalnym uzroŭni, paviedamlaje Bloomberg.
27.07.2022 / 20:32
Realizacyja hetaha płana pryviała da rostu cany hazu ŭ Jeŭropie bolš čym na tracinu za tydzień, a na tarhach u sieradu jana dasiahała 227,5 Jeŭra/MVt·h (bolš za $2400 za 1000 kubamietraŭ). Heta vyšej za maksimum, pakazany ŭ pačatku sakavika nieŭzabavie paśla rasijskaha ŭvarvańnia va Ukrainu. Praŭda, paśla jana źniziłasia da 200 Jeŭra/MVt·h, ale hod tamu była ŭsiaho 23.
Na siońniašni dzień «Hazpram» skaraciŭ pastaŭki ŭ Hiermaniju pa «Paŭnočnym patoku — 1» (jaki zabiaśpiečvaje treć usiaho rasijskaha ekspartu hazu ŭ Jeŭropu) z 40% da 20% ad płanavaj mahutnaści, paviedamiŭ ranicaj u sieradu niamiecki sietkavy apieratar Gascade.