Rasijanie ŭžo niekalki razoŭ adrapartavali pra źniščeńnie HIMARS. Ale nie viedali adnaho prostaha fakta
Rasijskija prapahandysty, a taksama siłavyja struktury, užo niekalki razoŭ raskazali pra źniščeńnie niekalkich ukrainskich sistem HIMARS amierykanskaj vytvorčaści. Ukraincy i amierykancy abviarhali hetyja paviedamleńni, dy i jość adzin surjozny niuans.
31.07.2022 / 12:12
Z 5 da 20 lipienia va Ukrainie byli źniščanyja čatyry puskavyja ŭstanoŭki i adna transpartna-zaradžalnaja mašyna reaktyŭnaj sistemy załpavaha ahniu (RSZA) HIMARS, paviedamlała Minabarony Rasii.
«Ź ich dźvie puskavyja ŭstanoŭki likvidavanyja ŭ rajonie nasielenaha punkta Małataranaŭka, jašče adzin HIMARS i transpartna-zaradžalnaja mašyna ŭ rajonie Čyrvonaarmiejska i čaćviortaja puskavaja ŭstanoŭka — na ŭschodniaj uskrainie Kanstancinaŭki Danieckaj Narodnaj Respubliki», — śćviardžaje viedamstva.
RSZA byli źniščanyja «vysokadakładnaj zbrojaj naziemnaha i pavietranaha baziravańnia», patłumačyła rasijskaje Minabarony.
Adrazu ž amierykancy abvierhli hetaje paviedamleńnie.
Ale cikava inšaje. Niezrazumieła, što rasijanie nazvali «transpartna-zaradžalnaj mašynaj». HIMARS źjaŭlajecca aŭtanomnym kompleksam i «transpartna-zaradžalnaj mašyny» da jaho prosta nie isnuje.
Snarady da HIMARS znachodziacca ŭ błoku, jaki zaradžajecca samoj ustanoŭkaj, biez vykarystańnia zaradžalnych mašyn, pra źniščeńnie jakich zajaviła rasijskaja armija.
Pahladzicie, jak adbyvajecca zaradka HIMARS.
HIMARS stali značnym faktaram u vajnie, pakazaŭšy vysokuju efiektyŭnaść na poli boju.
Rasijskaja prapahanda ŭžo paśla pieršych vynikaŭ paśpiachovaj pracy amierykanskaj RSZA stała raspaŭsiudžvać fejki pa hetaj temie. Naprykład, rasijanie pisali, što nibyta HIMARS źjaŭlajucca nieefiektyŭnymi i sastarełym, što taksama źjaŭlajecca chłuśnioj.