Najbujniejšyja techničnyja ŭniviersitety Čechii ŭsio ž prymuć biełaruskich abituryjentaŭ, ale spatrebicca vieryfikacyja
Ofis Śviatłany Cichanoŭskaj paviedamiŭ, što aficyjnyja pradstaŭnicy biełaruskaj nacyjanalnaj mienšaści Kryścina Šyjanok i Alena Cichanovič razam z Zadzinočańniem biełaruskaha studenctva Čechii ciapier sustrakajucca z kiraŭnictvam češskich univiersitetaŭ, dzie jość «krytyčnyja śpiecyjalnaści», na jakich u Čechii praz vajnu va Ukrainie zabaranili vučycca biełarusam.
27.07.2022 / 17:21
Biełarusy na sustrečy z kiraŭnictvam Techničnaha ŭniviersiteta ŭ Prazie
Sustrečy ŭžo adbylisia z rektarami najbujniejšaha ŭ Čechii Techničnaha ŭniviersiteta ŭ Prazie (ČVUT) i najbujniejšaha češskaha chimičnaha ŭniviersiteta — Vyšejšaj chimična-technałahičnaj škoły ŭ Prazie (VŠCHT).
Pakul što dasiahnutaja damoŭlenaść, što ŭniviersitety buduć prymać harantyjnyja listy, padpisanyja pradstaŭnikami nacyjanalnaj mienšaści. Dla atrymańnia takoha lista studenty prachodziać vieryfikacyju — što jany nie źjaŭlajucca supracoŭnikami siłavych strukturaŭ i nie źbirajucca pracavać na karyść režymaŭ Łukašenki ci Pucina.
Vieryfikacyja studentaŭ adbyvajecca praź biełaruskija demakratyčnyja struktury, u tym liku BYPOL. Kožny vypadak budzie razhladacca ŭ indyvidualnym paradku z ulikam šerahu faktaraŭ.