Jašče adzin urad u Jeŭrasajuzie staić na miažy adstaŭki. Užo piaty za apošni miesiac
Uzmacnilisia supiarečnaści va ŭradavaj kaalicyi ŭ Słavakii. Pryčyna — asabisty kanflikt pamiž lidarami dźviuch partyj: Iharam Matavičam («Zvyčajnyja ludzi i niezaležnyja asoby») i Rychardam Sulikam («Svaboda i salidarnaść»). Praciah supraćstajańnia pahražaje razvałam urada i daterminovymi vybarami.
24.07.2022 / 20:20
6 lipienia partyja «Svaboda i salidarnaść» zajaviła, što razryvaje kaalicyjnaje pahadnieńnie z tryma inšymi partniorami — partyjami OĽaNO («Zvyčajnyja ludzi i niezaležnyja asoby»), Sme Rodina («My siamja») i Za ľudí («Za ludziej»). Pra hetaje rašeńnie abjaviŭ lidar SaS («Svaboda i salidarnaść») i ciapierašni ministr ekanomiki Słavakii Rychard Sulik. Jon zaklikaŭ premjera Eduarda Hiejhiera padrychtavać novuju redakcyju kaalicyjnaha pahadnieńnia.
Za apošni miesiac u Jeŭropie abviaścili ab składańni svaich paŭnamoctvaŭ užo čatyry premjer-ministry: u Italii — Maryjo Drahi, u Vialikabrytanii — Borys Džonsan, u Bałharyi — Kirył Pietkaŭ, u Estonii — Kaja Kałas. Kali ŭ Słavakii supiarečnaści nie vyrašać inšym šlacham, to Eduard Hiejhier budzie piatym.