Na nastupnym tydni pačnuć sudzić aryštavanych biełarusaŭ, jakija nibyta źbiralisia vajavać za Ukrainu
25 lipienia ŭ Bresckim abłasnym sudzie pačniecca praces nad Siarhiejem Vajciukom, 26 lipienia — u Homielskim abłasnym sudzie nad Michaiłam Listapadavym, paviedamlaje telehram-kanał «Pozirk».
22.07.2022 / 16:08
U sakaviku MUS zajaviła, što suprać bajcoŭ dobraachvotnickaha bataljona imia Kalinoŭskaha raspačataja kryminalnaja sprava ab saŭdziele va ŭzbrojenym kanflikcie na terytoryi zamiežnaj dziaržavy, paśla čaho pačalisia zatrymańni biełarusaŭ, jakija nibyta źbiralisia adpravicca va Ukrainu i vajavać u składzie pałka — kahości vyjaŭlali praz fejkavyja telehram-boty, kahości zatrymlivali na miažy.
14 sakavika praŭładnyja telehram-kanały paviedamili pra zatrymańnie 53-hadovaha žychara Dokšyc Siarhieja Hryboviča. 16 maja byŭ zatrymany sirata Andrej Raptunovič ź Minska.