Na poŭnačy Rasii da ludziej vyjšła biełaja miadźviedzica ź blašankaj z-pad zhuščonki ŭ paščy. Joj dapamahli
Dniami da ludziej u pasiołku Dyksan na poŭnačy Krasnajarskaha kraju Rasii vyjšaŭ bieły miadźviedź, u jakoha ŭ paščy zachrasła blašanka z-pad zhuščonki. Žyviolina, nie mohučy samastojna ad jaje pazbavicca, patrabavała dapamohi i atrymała jaje, piša «Bi-bi-si».
21.07.2022 / 17:52
Zdymak ilustracyjny. Fota: wwf.ru
Pra vyratavańnie žyvioliny paviedamiła ŭ Telehramie kiraŭnica Raspryrodnahladu Śviatłana Radzivonava.
Ratavać źviera vylecieli vieterynary z Maskvy. Jany prybyli ŭ Narylsk ź nieabchodnymi instrumientami i miedykamientami. Padčas apieracyi miadźviedzia pazbavili mahčymaści ruchacca pry dapamozie śpiecyjalnych srodkaŭ, jakija nie nanosiać škody zdaroŭju.
«Litaralna na praciahu dziesiaci chvilin miadźviedź byŭ nieruchomy, blašanka paśpiachova vydalenaja, a ciapier idzie apracoŭka jazyka, bo na im mnostva parezaŭ», — raskazaŭ pradstaŭnik zapalarnaha filijała «Narnikiela», jaki prymaŭ udzieł u vyratavalnaj apieracyi.
Miadźviedź, darečy, akazaŭsia davoli maładoj samkaj vahoj kiłahramaŭ 80-90.