Prakuratura nakiravała ŭ sud kryminalnuju spravu biełarusa, jaki sprabavaŭ trapić u połk Kalinoŭskaha
Mužčyna abvinavačvajecca pa dvuch artykułach Kryminalnaha kodeksa.
21.07.2022 / 15:46
Prakuratura Homielskaj vobłaści nakiravała ŭ abłasny sud kryminalnuju spravu ŭ dačynieńni da 28-hadovaha mužčyny. Jamu vystaŭlenyja abvinavačvańni pa č. 1 art. 14 i č. 1 art. 361-3 Kryminalnaha kodeksa: zamach na ŭdzieł na terytoryi zamiežnaj dziaržavy va ŭzbrojenym farmavańni adnaho z supraćlehłych bakoŭ i ŭzbrojenym kanflikcie, a taksama vajennych dziejańniach biez upaŭnavažańnia dziaržavy svajoj hramadzianskaj prynaležnaści.
Pavodle viersii śledstva ŭ lutym—mai mužčyna źbiraŭsia ŭstupić u połk Kalinoŭskaha. Svaje dziejańni jon nie zmoh davieści da kanca: jaho zatrymali pry sprobie pierasiačeńnia miažy.