Praŭładny telehram-kanał: Hamialčuk, zatrymany na miažy z Ukrainaj, źbiraŭsia dałučycca da pałka Kalinoŭskaha
Praŭładny tielehram-kanał «Žiostko, no čiestno Homiel» raspavioŭ pra zatrymańnie na miažy z Ukrainaj Alaksandra Ajnutdzinava, jaki nibyta chacieŭ vajavać suprać Rasii ŭ składzie pałka Kalinoŭskaha, paviedamlaje mediazona.by.
18.07.2022 / 14:47
U «pakajannym» videa Ajnutdzinaŭ raspaviadaje, što nibyta chacieŭ ustupić u połk imia Kastusia Kalinoŭskaha, kab dapamahčy ŭkraincam. Jon kaža, što paznajomiŭsia z čałaviekam z pałka, jaki nazyvaŭ siabie nieśmiarotnym. Paśla hetaha hamialčuk vyrašyŭ samastojna pierasiekčy miažu Biełarusi z Ukrainaj, dzie jaho i zatrymali.
26 kastryčnika 2020 Alaksandr Ajnutdzinaŭ atrymaŭ 10 sutak aryštu pa artykule ab parušeńni paradku praviadzieńnia masavych mierapryjemstvaŭ (artykuł 24.23 KaAP).
30 červienia Dziaržaŭny pamiežny kamitet Biełarusi pisaŭ, što dvoje nieviadomych mieli namier niezakonna pierasiekčy miažu Biełarusi i Ukrainy. Tady ž u zajavie ŭdakładnili, što adnaho ź ich udałosia zatrymać, ale «vyraznych tłumačeńniaŭ adnosna mety znachodžańnia pablizu miažy zatrymany dać nie zmoh».
U lipieni «Radyjo Svaboda» sa spasyłkaj na kamientaryj pamiežnaj słužby Ukrainy paviedamiła ab zatrymańni biełaruskaha pamiežnika na ŭkrainskaj terytoryi. Pamiežnaja słužba Ukrainy tady zapeŭniła, što zatrymany kazaŭ i pra svaich adnadumcaŭ. «Ale na pamiežnaj zonie ich vyjavili i sa stralboj praśledavali, tamu pierasiekčy miažu zmoh tolki jon adzin», — skazali ŭ pamiežnaj słužbie.