Vyjšaŭ na volu palitźniavoleny piensijanier Juzaf Niamiera
15 lipienia Juzaf Niamiera vyjšaŭ na volu z papraŭčaj kałonii № 22 (Voŭčyja nory), u jakoj adbyvaŭ prysud pamieram u 1 hod i 6 miesiacaŭ źniavoleńnia ahulnaha režymu. Pra heta piša «Viasna».
15.07.2022 / 18:57
Hrodzienca Juzafa Niamieru abvinavačvali pa dvuch artykułach: 342 KK (Udzieł u hrupavych dziejańniach, jakija hruba parušajuć hramadski paradak) i 364 KK (Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ).
Niamiera ŭdzielničaŭ u maršy pratestu ŭ Hrodnie 6 vieraśnia i abaraniaŭ žančynu ad žorstkich dziejańniaŭ AMAPa. Pry hetym jon šturchnuŭ adnaho ź milicyjantaŭ.
Spačatku Niamieru asudzili da 2,5 hadoŭ «chatniaj chimii». Paśla prakuror padaŭ apielacyjny pratest, ale i tady rašeńnie było pakinutaje ŭ sile.
Praź niekalki miesiacaŭ Hrodzienskaja abłasnaja prakuratura nakiravała apielacyjny pratest i na heta rašeńnie. Tady jano było admieniena, a sprava nakiravanaja na novy razhlad. U vyniku Niamieru zamianili pakarańnie na 1 hod i 6 miesiacaŭ kałonii ahulnaha režymu.