Va Ukrainie źbirajuć podpisy pad pietycyjaj za nadańnie dazvołu na žycharstva biełarusam i rasijanam, što žyli ŭ krainie da 24 lutaha
Kab pietycyju razhledzieli, jana musić nabrać 25 tysiač podpisaŭ. Pakul padpisalisia krychu bolš za 2 tysiačy, ale źbirać podpisy možna jašče 80 dzion.
12.07.2022 / 23:49
Ściahi ź imionami zahinułych za Ukrainu biełarusaŭ na kijeŭskim Majdanie
Pietycyja źviartaje ŭvahu, što mnohija biełarusy i rasijanie žyvuć va Ukrainie daŭno i paśpieli zajmieć tam siemji.
Jašče adna katehoryja tych, chto maje patrebu ŭ dazvole na žycharstva — asoby, što vymušanyja byli pakinuć Biełaruś ci Rasiju i ciapier nie mohuć viarnucca na radzimu biez niehatyŭnych nastupstvaŭ.
Taksama padpisanty prosiać razhledzieć dakumienty, užo padadzienyja ŭ padraździaleńni mihracyjnych słužbaŭ da 24-ha lutaha 2022 hoda, i padkreślivajuć, što nie majuć ničoha suprać pravierki hetaj katehoryi ludziej u SBU abo inšych padobnych ustanovach.
Z pačatku vajny biełarusy nie mahli padavać dakumienty na padaŭžeńnie dazvołu na žycharstva, niekatoryja vymušanyja byli zjechać, častcy zabaroniena ŭjazdžać va Ukrainu.