Kolkaść zahinułych pry abstrele žyłoha doma ŭ Časavym Jary ŭzrasła da 41 čałavieka
Ukrainskija ratavalniki paviedamlajuć, što kolkaść achviar rakietnaha ŭdaru rasijskich vojskaŭ pa horadzie Časaŭ Jar Danieckaj vobłaści, naniesienaha ŭ subotu viečaram, vyrasła da 41 čałavieka.
12.07.2022 / 19:44
Jak paviedamlaje Dziaržaŭnaja słužba nadzvyčajnych situacyj Ukrainy, dniom u aŭtorak z-pad ruin žyłoj piacipaviarchoŭki byli vyniatyja jašče čatyry cieły.
Rakietny ŭdar pa horadzie byŭ naniesieny 9 lipienia ŭviečary. Całkam razburanyja byli ŭ tym liku dva padjezdy piacipaviarchovaha žyłoha doma. Rasijskija aficyjnyja krynicy nasupierak vidavočnym faktam śćviardžajuć, što hety abjekt byŭ vajskovym.
Časaŭ Jar — nievialiki (12-13 tysiač davajennaha nasielnictva) horad u Danieckaj vobłaści niepadalok ad linii frontu, za niekalki kiłamietraŭ na zachad ad Bachmuta.