Hadavaja inflacyja paskoryłasia da 17,6% u červieni
Inflacyja ŭ červieni ŭ Biełarusi znoŭ paskoryłasia, śviedčać śviežyja źviestki Biełstata. Za červień indeks spažyvieckich cen vyras na 1,1% paśla pryrostu ŭ mai na 0,7%, piša reform.by.
11.07.2022 / 16:18
Fota ilustracyjnaje
U hadavym vyražeńni ISC u červieni vyras na 17,6% u paraŭnańni z anałahičnym pieryjadam minułaha hoda. Heta adzin z samych vysokich uzroŭniaŭ inflacyi za apošnija 10 hadoŭ.
U paraŭnańni sa śniežniem 2021 hoda ceny vyraśli na 13,1%. Bazavaja inflacyja, biez uliku ŭpłyvu siezonnych i administracyjnaj rehulavanych cenaŭ, u červieni skłała 1,6% u paraŭnańni z majem, a sa śniežniem — 14%.
Za červień ceny na charčovyja tavary vyraśli na 0,7%, na niecharčovyja — na 1,5%, na pasłuhi — na 1,3%.
U paraŭnańni sa śniežniem ISC na charčovyja tavary pavialičyŭsia na 13,7%, na niecharčovyja tavary — na 15,7%, na pasłuhi — na 8,7%.
U hadavym vyličeńni charčavańnie padaražeła na 19,6%, niecharčovyja tavary — na 19,7%, pasłuhi — na 11,3%.