У каго самыя дарагія красоўкі — у Зяленскага, Ціханоўскай ці Лукашэнкі?
Красоўкі даўно перасталі быць выключна спартовым абуткам. Палітыкі адзяваюць іх на нефармальныя сустрэчы ці выязныя мерыпрыемствы. На публіцы ў красоўках з'яўляліся і Уладзімір Зяленскі, і Святлана Ціханоўская, і Аляксандр Лукашэнка. Параўналі, чые колькі каштуюць.
10.07.2022 / 19:08
Падчас нядаўняй сустрэчы са стэндаперам Славам Камісаранкам Святлана Ціханоўская была ў белых кедах Converse. Выглядае, што гэта мадэль Pro Leather Gold Standard. У Літве, дзе цяпер Офіс палітыка, іх прадаюць за 47-95 еўра.
Фота: скрыншот з відэа Офіса Ціханоўскай
На красоўкі прэзідэнта Украіны карыстальнікі сеціва звярнулі ўвагу, калі той наведваў Бучу. На Зяленскім быў абутак брэнду Saucony за 50 даляраў.
Уладзімір Зяленскі падчас наведвання Бучы, 4 красавіка 2022 г. Фота: АР / Efrem Lukatsky
На Лукашэнку летась былі заўважаныя чорныя кеды Nike, мадэль Аir Force 1. У беларускіх анлайн-крамах такія можна адшукаць за 249—409 рублёў (93—153 даляры).
Фота: тг-канал прэс-службы Лукашэнкі