ZŠA vydzielać Ukrainie dadatkovyja 800 miljonaŭ dalaraŭ
Raniej Vašynhton užo vydzieliŭ Kijevu 7 miljardaŭ dalaraŭ dapamohi.
30.06.2022 / 17:25
U bližejšyja dni ZŠA abvieściać pra vydzialeńnie novaj vajennaj dapamohi Ukrainie na 800 młn dalaraŭ. Ab hetym zajaviŭ prezident ZŠA Džo Bajden padčas siońniašniaj pres-kanfierencyi ŭ Madrydzie paśla samitu NATA.
«My vydzielili Ukrainie amal 7 młrd dapamohi ŭ śfiery biaśpieki z tych časoŭ, jak ja ŭstupiŭ u hetuju pasadu. U bližejšyja dni my płanujem abviaścić pra vydzialeńnie Ukrainie jašče 800 miljonaŭ dalaraŭ», — zajaviŭ jon.
Pastaŭki buduć uklučać novyja zachodnija supraćpavietranyja sistemy, dadatkovyja artyleryju i bojeprypasy, radarnyja sistemy dla artyleryi, dadatkovyja bojeprypasy dla HIMARS, zienitnyja ŭstanoŭki.