ЗША выдзеляць Украіне дадатковыя 800 мільёнаў даляраў
Раней Вашынгтон ужо выдзеліў Кіеву 7 мільярдаў даляраў дапамогі.
30.06.2022 / 17:25
У бліжэйшыя дні ЗША абвесцяць пра выдзяленне новай ваеннай дапамогі Украіне на 800 млн даляраў. Аб гэтым заявіў прэзідэнт ЗША Джо Байдэн падчас сённяшняй прэс-канферэнцыі ў Мадрыдзе пасля саміту НАТА.
«Мы выдзелілі Украіне амаль 7 млрд дапамогі ў сферы бяспекі з тых часоў, як я ўступіў у гэтую пасаду. У бліжэйшыя дні мы плануем абвясціць пра выдзяленне Украіне яшчэ 800 мільёнаў даляраў», — заявіў ён.
Пастаўкі будуць уключаць новыя заходнія супрацьпаветраныя сістэмы, дадатковыя артылерыю і боепрыпасы, радарныя сістэмы для артылерыі, дадатковыя боепрыпасы для HIMARS, зенітныя ўстаноўкі.