Украіна абмяняла 144 палонных, з іх 95 абаронцаў «Азоўсталі»
Галоўнае ўпраўленне разведкі Украіны паведамляе, што адбыўся чарговы абмен палоннымі, дзякуючы якому дадому вярнуліся 144 ўкраінскія вайскоўцы. Сярод іх — і абаронцы «Азоўсталі».
29.06.2022 / 17:45
З 144 вызваленых — 95 абаронцаў «Азоўсталі». А сярод іх — 43 вайскоўцы палка «Азоў».
Гэта самы вялікі абмен палоннымі з пачатку поўнамаштабнай вайны, распачатай Расіяй супраць Украіны.
Усяго вызвалена:
- 59 байцоў Нацыянальнай гвардыі;
- 30 — Ваенна-марскіх сілаў;
- 28 — Узброеных сілаў Украіны;
- 17 — Дзяржаўнай памежнай службы Украіны;
- 9 — тэрытарыяльнай абароны;
- 1 — Нацыянальнай паліцыі Украіны.
Сярод вызваленых — 23 афіцэры і 69 вайскоўцаў сяржанцкага і старшынского складу. Найстарэйшаму з іх споўнілася 65 гадоў, самаму малодшаму — 19.
Большасць вызваленых украінцаў маюць цяжкія пашкоджанні: агнястрэльныя і аскепкавыя раненні, выбуховыя траўмы, апёкі, пераломы, ампутацыі канечнасцяў.