Mikałaja Dziadka pieravodziać na turemny režym
U sudzie Horackaha rajona 28 červienia razhladzieli spravu «ab pieravodzie Mikałaja Dziadka ŭ papraŭčuju ŭstanovu inšaha typu i źmienie ŭmovaŭ režymu». Suddzia Stanisłaŭ Lašenka pastanaviŭ pieravieści Mikałaja na turemny režym terminam na 2 hady i 10 miesiacaŭ, paviedamlaje «Viasna».
29.06.2022 / 11:34
Paviedamlajecca, što, niahledziačy na rašeńnie suda, palitviazień u dobrym nastroi, a hetyja naviny nie stali dla jaho niečakanaściu.
Nahadajem, błohiera i anarchista ŭ kancy sakavika źmiaścili ŭ PKT na čatyry miesiacy za admovu chadzić na pracu na znak pratestu. Z 15 pa 24 krasavika palitviaźnia ŭtrymlivali ŭ ŠIZA pa dvuch pratakołach.
Dziadka zatrymali 11 listapada 2020, paśla čaho mocna źbivali i katavali. 10 listapada palitviaźnia asudzili da piaci hadoŭ kałonii pa troch artykułach Kryminalnaha kodeksa. Mikoła nie pryznaŭ vinu ni pa nivodnym artykule.
Padtrymać palitviaźnia: PK №9, 213410, h. Horki, vuł. Dabralubava, 16, Dziadku Mikałaju Alaksandraviču