Урад збіраецца плаціць даўгі па еўрааблігацыях у беларускіх рублях
Урад сумесна з Нацыянальным банкам прынялі пастанову, што надалей даўгі па дзяржаўных каштоўных паперах, размешчаных на знешніх фінансавых рынках, Беларусь будзе плаціць у беларускіх рублях па курсе Нацбанка.
28.06.2022 / 20:42
Урад падкрэслівае, што гэтая мера вымушаная і абумоўленая «немагчымасцю плацежнага агента і іншых удзельнікаў міжнароднай разлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацый».
Сцвярджаецца таксама, што асобныя ўладальнікі купоннага даходу па еўрааблігацыях, пералічанага Мінфінам у лютым бягучага года, грошай не атрымалі.
Пастановай прадугледжваюцца, праўда, і іншыя формы разлікаў, падрабязнасці заўтра павінна растлумачыць Міністэрства фінансаў.