Žurnalistku «Daždžu» pryznali inšaziemnym ahientam za hrašovy pieravod ź Biełarusi
«Ja daviedałasia, za što mianie pryznali inšahientam, i heta vielmi śmiešna. Ja ahient Biełarusi!» — napisała ŭ fejsbuku žurnalistka rasijskaha telekanała «Doždž» Maryja Barzunova i patłumačyła, što stała farmalnaj padstavaj dla nadavańnia joj takoha statusu.
28.06.2022 / 00:23
Fota: fejsbuk Maryi
Zamiežnym finansavańniem žurnalistki rasijski Miniust pryznaŭ nastupnyja hrašovyja pieravody.
Pieršaje — ad kalehi i pryjacielki ź Biełarusi. Z sakavika 2019-ha pa maj 2020-ha taja pieraviała žurnalistcy ahułam 10 270 rasijskich rubloŭ (486 biełaruskich rubloŭ).
Druhoje — ad žurnalista z ZŠA, jaki raniej pracavaŭ na Moscow Times, a ciapier — na Wall Street Journal. Jon ź lipienia 2020-ha pa listapad 2021-ha pieravioŭ Maryi 1290 rasijskich rubloŭ (61 biełaruski rubiel).
Maryja aśviatlała padziei ŭ Biełarusi paśla vybaraŭ 2020 hoda. Letaś jana vypuściła film «Kraina ŭ vyhnańni: jak biełarusy biahuć ad režymu Łukašenki».
Telekanał «Doždž» taksama pryznany ŭ Rasii inšahientam — u žniŭni 2021 hoda.