Znajšli abituryjenta, jaki źliŭ u sieciva vyniki CT pa matematycy
Asoba abituryjenta, jaki apublikavaŭ u internecie fota błanka centralizavanaha testavańnia pa matematycy z adkazami, vyśvietlenaja. Vynik jaho testu budzie anulavany, paviedamlaje KDK.
27.06.2022 / 16:49
Zdymak ilustracyjny. Fota: edu.gov.by
21 červienia ŭ punkcie testavańnia ŭ Mahilovie adzin z abituryjentaŭ sfatahrafavaŭ ekzamienacyjnaje zadańnie pa matematycy. Paźniej hetaje fota źjaviłasia ŭ internecie.
Pakolki pranos i vykarystańnie mabilnaha telefona padčas testavańnia zabaronienyja, vynik abituryjenta budzie anulavany. Taksama buduć pryniatyja miery ŭ dačynieńni da arhanizacyjnaj kamisii pa praviadzieńni centralizavanaha testavańnia va ŭstanovie, dzie adbyłosia hetaje parušeńnie.