Bajden: Pucin spadziajecca, što Zachad raskolecca z-za Ukrainy
Prezident Rasii Uładzimir Pucin spadziavajecca, što na Zachadzie adbudziecca raskoł, pakolki ŭvarvańnie va Ukrainu praciahvajecca, papiaredziŭ prezident ZŠA Džo Bajden, vystupajučy na samicie G7 ŭ Hiermanii.
26.06.2022 / 16:02
Bajden pachvaliŭ sajuźnikaŭ, jakija źjadnalisia i supraćstajali Kramlu na praciahu apošnich čatyroch miesiacaŭ, piša «Bi-bi-si».
«My pavinny zastavacca razam, bo Pucin z samaha pačatku raźličvaŭ na toje, što NATO i G7 raskolucca. Ale my nie zrabili hetaha i nie źbirajemsia. My nie možam dazvolić hetaj ahresii zastacca niepakaranaj», — zajaviŭ prezident ZŠA.
Asobna Bajden ciopła vykazaŭsia na adras kanclera Šolca, jaki prymaje samit u Bavaryi. Jon pachvaliŭ jaho za ŭpłyŭ na Jeŭropu ŭ pieryjad uzrušeńniaŭ, vyklikanych vajnoj i nastupnym hłabalnym ekanamičnym spadam.
Pa słovach vysokapastaŭlenaha supracoŭnika amierykanskaj administracyi, Vašynhton ŭkładvaje vielmi šmat u adnosiny z Hiermanijaj z tych časoŭ, jak Bajden zaniaŭ svaju pasadu paŭtara hady tamu.