Šajhu prainśpiektavaŭ rasijskuju hrupoŭku vojskaŭ va Ukrainie
Ministr abarony Rasii Siarhiej Šajhu prainśpiektavaŭ rasijskuju hrupoŭku vojsk, zadziejničanych u «śpiecapieracyi» va Ukrainie, paviedamiła vajennaje viedamstva.
26.06.2022 / 13:01
«Na kamandnych punktach rasijskich hrupovak hienierał armii Siarhiej Šajhu zasłuchaŭ dakłady kamandujučych pa biahučaj abstanoŭcy i dziejańniam rasijskich Uzbrojenych sił na asnoŭnych apieracyjnych napramkach», — zajavili ŭ ministerstvie.
Dzie terytaryjalna znachodziŭsia Šajhu, nie ŭdakładniajecca.
Ministr abarony abmierkavaŭ arhanizacyju «ŭsiebakovaha zabieśpiačeńnia bajavych dziejańniaŭ» i stvareńnie ŭ punktach časovaj dysłakacyi nieabchodnych bytavych umoŭ dla rasijskich vajskoŭcaŭ.
Ministr taksama ŭručyŭ dziaržaŭnyja ŭznaharody vajennasłužačym — miedali «Załataja Zorka» Hieroja Rasii i orden Mužnaści.