Litoŭskaja kampanija Belintertrans Baltic, jakaja naležyć biełaruskaj dziaržavie, trapiła pad sankcyi
Kłajpiedskaja transpartna-ekśpiedytarskaja kampanija Belintertrans Baltic trapiła ŭ śpis litoŭskich kampanij, jakija znachodziacca pad sankcyjami Zachadu suprać Rasii i jaje aliharchaŭ. 100% akcyj hetaj litoŭskaj kampanii naležać Biełaruskaj dziaržaŭnaj kampanii «Biełaruski čyhunačny transpartna-łahistyčny centr»(«Bielintertrans»).
19.06.2022 / 18:52
Słužba pa rasśledavańni finansavych złačynstvaŭ (SRFZ) Litvy paviedamlaje, što srodki Belintertrans Baltic zamarožanyja z-za suviaziaŭ z Alaksandram Łukašenkam i ministram transpartu i kamunikacyj Biełarusi Alaksiejem Aŭramienkam.
Pavodle źviestak Rejestravaha centra, abarot Belintertrans Baltic letaś źmienšyŭsia na 9,8% da 32,2 młn jeŭra. Straty kampanii źmienšylisia na 47% da 252,6 tys. jeŭra.