Да 3 ліпеня запусцяць рух па новым участку першага транспартнага кальца ў Мінску
Рух па новым участку першага транспартнага кальца ў Мінску будзе запушчаны да 3 ліпеня. Пра гэта заявіў намеснік старшыні Мінгарвыканкама Аляксандр Дараховіч, перадае агенцтва «Мінск-Навіны».
17.06.2022 / 19:11
Па словах Дараховіча, будаўніцтва першага транспартнага кальца, а таксама капітальны рамонт пуцеправодаў на праспекце Жукава ў раёне станцыі Мінск-Сартавальны і над вуліцай Чыгуначнай ідуць з апярэджаннем графіка.
Новы ўчастак (ад праспекта Дзяржынскага да вуліцы Талстога) замкне першае транспартнае кальцо.
Да яго будаўніцтва прыступілі ў 2019 годзе. Праект прадугледжваў пабудову эстакады для з'езду з вуліцы Маскоўскай на кальцо, рэканструкцыю ўчасткаў вуліц Маскоўскай і Талстога, узвядзенне новага чыгуначнага пуцеправода, пракладку 400-метровага адрэзка магістралі пад ім.