Biełaruskim dziudaistam dazvolać udzielničać u mižnarodnych spabornictvach. Ale nie pad aficyjnym ściaham
Biełaruskija spartoŭcy z červienia mohuć u niejtralnym statusie adnavić udzieł u mižnarodnych turnirach, paviedamlaje BiełTA sa spasyłkaj na pres-słužbu Mižnarodnaj fiederacyi dziudo.
12.06.2022 / 17:08
Fota: judo.by
Mižnarodnaja fiederacyja dziudo pryniała rašeńnie dazvolić biełaruskim i rasijskim atletam udzielničać u spabornictvach pad ehidaj arhanizacyi ŭ jakaści niejtralnych spartśmienaŭ: tolki pad ściaham, himnam i kolerami fiederacyi, vykonvajučy ŭsie patrabavańni niejtralnaści.
«Hetaje rašeńnie daje roŭnyja šancy ŭsim atletam padniacca nad palitykaj, kanfliktami i inšymi pytańniami, nie źviazanymi sa sportam, — havorycca ŭ zajavie arhanizacyi. — Parušeńnie pravoŭ atletaŭ, jakija vystupajuć pad niejtralnym ściaham, budzie pryznana dyskryminacyjaj».