Suprać Paŭła Biełavusa zaviedziena kryminalnaja sprava za «kiraŭnictva ekstremisckim farmavańniem»
Śledčy kamitet raspačaŭ kryminalnuju spravu ab kiraŭnictvie ekstremisckim farmavańniem (artykuł 361-1 KK) suprać zasnavalnika kramy symbal.by Paŭła Biełavusa. Pra heta paviedamlaje Miedyjazona sa spasyłkaj na praŭładny telehram-kanał.
10.06.2022 / 19:09
Pavieł Biełavus
«U 2020 hodzie praź jaho kantorku ažyćciaŭlałasia finansavańnie ekstremisckaj dziejnaści, a taksama napampoŭvańnie pratestnych mas bčb-šnaj simvolikaj dla demanstracyi karcinki ŭ jakaści spravazdačy ab vydatkavanych ulivańniach na dziaržpieravarot», — pišuć aŭtary tielehram-kanała.
Jany dadajuć, što ŭ Biełarusi znachodziacca ludzi, «jakija atrymlivali hrošy na finansavańnie dziaržaŭnaha pieravarotu z Polščy dla «razmyvańnia» vialikich sumaŭ, jakimi zatym rasparadžaŭsia Biełavus», tamu «ich dziejańniam budzie dadzienaja pravavaja acenka».
U kancy śniežnia 2021 hoda symbal.by paviedamlaŭ, što suprać biełarusa zaviali kryminalnuju spravu ab hrubym parušeńni paradku (artykuł 342 KK).