Čatyry hady kałonii prysudzili žycharu Połacka za «abrazy i paklop» u dačynieńni da Łukašenki i Jarmošynaj
Na zakrytym pasiadžeńni suda Navapołacka 20 maja vyniesieny prysud žycharu Połacka Michaiłu Łabaniu. Jaho abvinavacili ŭ paklopie ŭ dačynieńni da Łukašenki (č. 1 art. 367), abrazie Łukašenki (č. 1 art. 368) i abrazie pradstaŭnika ŭłady (art. 369 Kryminalnaha kodeksa), piša «Viasna».
20.05.2022 / 16:27
Suddzia Vital Łapko pryznaŭ chłopca vinavatym i pa sukupnaści pakarańniaŭ kančatkova asudziŭ da 4 hadoŭ pazbaŭleńnia voli ŭ kałonii ahulnaha režymu i štrafu ŭ pamiery 100 bazavych vieličyniaŭ.
«Abražanym» pradstaŭnikom ułady, pavodle našych krynic, była Lidzija Jarmošyna, dziakujučy jaje zajavie spahaniajecca i nakładzieny štraf. Rezkija słovy na jaje adras byli skazanyja ŭ žniŭni 2020-ha, zatrymany Michaił Łabań u śniežni minułaha hoda.
Michaiłu Łabaniu 39 hadoŭ, jon baćka dvuch dziaciej 14 i 1,5 hadoŭ, sam maje surjoznyja prablemy sa zdaroŭjem.