Святаслаў Вакарчук заклікаў беларусаў пераходзіць на беларускую мову
Лідар гурта «Океан Эльзи» заклікаў беларусаў пераходзіць на беларускую мову ў паўсядзённым жыцці.
29.03.2022 / 11:20
«Кожны, хто мае родную мову, якая адрозніваецца ад іншых, мае шчасце і падарунак ад бога. Мы вельмі падтрымліваем нашых беларускіх братоў у гэтым, каб яны выкарыстоўвалі сваю цудоўную беларускую мову. Яна вельмі прыгожая, і на ёй так шмат прыгожага напісана. Ад Янкі Купалы да сучасных прыгожых спеваў беларускіх рок-музыкаў. Мы вас у гэтым падтрымліваем!» — сказаў Вакарчук у інтэрв'ю «Белсату».