Брытанія ўвядзе санкцыі супраць 5 расійскіх банкаў і сяброў Пуціна
Вялікабрытанія ўвядзе санкцыі супраць пяці расійскіх банкаў, і трох расіянаў, у тым ліку сяброў Пуціна — Барыса і Ігара Ратэнбергаў і Генадзя Цімчанкі.
22.02.2022 / 16:15
Борыс Джонсан
Аб гэтым заявіў прэм'ер-міністр краіны Борыс Джонсан, выступаючы ў парламенце.
«Іх актывы будуць замарожаныя. Гэта толькі першая хваля санкцый», — сказаў Джонсан, адзначыўшы, што ў выпадку расійскага ўварвання ва Украіну Брытанія ўвядзе новыя санкцыі.
З ліку банкаў пад санкцыі патрапілі Прамсувязьбанк, банк «Расія», Індустрыяльны ашчадны банк, «Чарнаморскі банк развіцця», Генбанк.