Rasijski sienatar: Rasija pryznała «DNR» i «ŁNR» u faktyčnych miežach, a nie ŭ zajaŭlenych
Pra miežy «DNR» i ŁNR», pryznanych Pucinym, zajaviŭ namieśnik kiraŭnika kamiteta Savieta Fiederacyi RF pa mižnarodnych spravach, sienatar Andrej Klimaŭ. Jon skazaŭ, što havorka idzie pra tyja miežy, jakija ciapier faktyčna ŭstalavanyja.
21.02.2022 / 23:57
Andrej Klimaŭ adznačyŭ:
«Rasija pryznaje «DNR» i «ŁNR» u miežach, jakija ciapier faktyčna ŭstanoŭlenyja, pytańnie ab ratyfikacyi dahavoraŭ ab družbie i supracoŭnictvie z respublikami budzie razhledžana Savietam Fiederacyi 22 lutaha».
Kali heta sapraŭdy tak, to heta moža śviedčyć pra toje, što Pucin na dadzieny momant nie zacikaŭleny ŭ viadzieńni paŭnamaštabnych vajennych dziejańniaŭ, skiravanych na zachop novych terytoryj, a vyrašyŭ pakul što tolki «lehalizavać» toje, što jamu i tak faktyčna naležała z 2014—2015 hadoŭ.