Пуцін заявіў Шольцу і Макрону, што мае намер падпісаць указ аб прызнанні «ДНР» і «ЛНР»
Пра размовы расійскага лідара з заходнімі калегамі і ягоныя намеры паведаміла прэс-служба Крамля.
21.02.2022 / 21:39
Пуцін інфармаваў Шольца і Макрона пра вынікі пашыранага пасяджэння Рады Бяспекі Расіі, на якім разглядаліся звароты кіраўніцтва «ДНР» і «ЛНР» аб прызнанні іх суверэнітэту.
«З улікам усяго гэтага прэзідэнт Расіі паведаміў, што ў найбліжэйшы час збіраецца падпісаць адпаведны ўказ», — гаворыцца ў паведамленні.
Адзначаецца, што прэзідэнт Францыі і федэральны канцлер ФРГ выказалі расчараванне такім развіццём падзей.