Ukraina: My nie vypuskali snarad pa pamiežnym punkcie ŭ Rastoŭskaj vobłaści
Sakratar Rady nacbiaśpieki i abarony Ukrainy Alaksiej Daniłaŭ zajaviŭ, što z ukrainskaj terytoryi nie vypuskali snarad pa pahranpunkcie ŭ Rastoŭskaj vobłaści. Siońnia źjaviłasia videa ź niejkim razburanym budynkam, jaki vyhladaŭ daŭno zakinutym. Rasijskija ŚMI śćviardžali, što heta pahraničny punkt.
21.02.2022 / 15:38
«My nie viadziom hetyja abstreły, my da hetych abstrełaŭ nie majem nijakaha dačynieńnia. My papiaredžvali i papiaredžvajem, što jany mohuć fantaziravać kolki zaŭhodna, jany mohuć rabić usio, što zaŭhodna. My da hetaha hatovyja, bolš za toje, da hetaha hatovy śviet», — skazaŭ jon.
Siońnia rasijskija ŚMI sa spasyłkaj na FSB paviedamili pra toje, što na miažy Rasii i Ukrainy snarad razburyŭ pahraničny punkt.
Viedamstva apublikavała videa ź miesca zdareńnia. Navakolle stvaraje ŭražańnie, što na «pahraničny punkt» daŭno nichto nie zajazdžaŭ i nie zachodziŭ.