Łandśbierhis ab praciahu vučeńniaŭ: Heta pavolnaja akupacyja terytoryi i dziaržavy Biełaruś
Ministr zamiežnych spraŭ Litvy Habryelus Łandśbierhis prakamientavaŭ rašeńnie ab praciahu biełaruska-rasijskich vučeńniaŭ. Učora ministr abarony Biełarusi Viktar Chrenin zajaviŭ, što budzie praciahnutaja pravierka ciłaŭ reahavańnia.
21.02.2022 / 13:17
Fota: Delfi.lt
Ministr padkreśliŭ, što situacyja ŭ Biełarusi «rezka źmianiłasia».
«[Kali] Biełaruś dapuskaje vykarystańnie svajoj terytoryi dla vajennych dziejańniaŭ Rasii, dakładna hetak ža my pavinny kazać pra sankcyi suprać biełaruskaha režymu», — zajaviŭ kiraŭnik litoŭskaj dypłamatyi.
Pa słovach Łandśbierhisa, rašeńnie ab praciahu rasijskaj vajskovaj prysutnaści ŭ Biełarusi mianiaje situacyju ź biaśpiekaj nie tolki va Ukrainie, ale i ŭ krainach Bałtyi i ŭ Polščy.
«Vymušanyja pryznać, što toje, što my bačym — heta vielmi pavolnaja akupacyja terytoryi i dziaržavy Biełaruś», — skazaŭ ministr.