U Minsku zatrymany hramadski aktyvist Jaŭhien Batura
Kala 10-j ranicy milicyjanty pryjšli da aktyvista damoŭ i skazali, što jamu treba prajechać dla «prafiłaktyčnaj hutarki» ŭ Centralnaje RUUS.
14.02.2022 / 15:38
Jaŭhien Batura
Milicyjanty pasadzili jaho ŭ šery bus i pavieźli. Z taho času suviazi ź im nie było.
Paśla abiedu žonka Jaŭhiena zmahła datelefanavacca ŭ RUUS, dzie joj pacvierdzili, što Batura ŭ ich, jon zatrymany za nibyta «administracyjnaje pravaparušeńnie», ale za jakoje mienavita, kazać admovilisia.
Taksama ŭ RUUSie spačatku skazali, što da suda Jaŭhien pajedzie ŭ IČU, paviedamlaje «Novy čas».
«Ja pakul nie razumieju, što heta, ale Ženia tolki što pryjšoŭ damoŭ. Biez šnurkoŭ i ŭsich zaviazak. Prasiedzieŭ u RUUSie 6,5 hadzin — napisała paźniej žonka.