Вынесены прысуд фатографу Уладзю Грыдзіну
Фатографу Уладзю Грыдзіну далі 13 сутак арышту за «непадпарадкаванне».
07.02.2022 / 15:43
Пра затрыманне Грыдзіна стала вядома ўчора. «Дома няма. Машына ў двары. Дома быў ператрус — брудна, раскіданыя рэчы, сляды ад абутку», — расказала сястра Уладзя Грыдзіна.
Пазней стала вядома, што журналіст знаходзіцца ў ІЧУ на Акрэсціна.
У мінулым Уладзь Грыдзін супрацоўнічаў з Беларускай службай «Радыё Свабода». Ëн вядомы фатограф, які выстаўляўся ў Беларусі і за мяжою, атрымліваў шматлікія прафесійныя прэміі.