Biełaruskija žurnalisty, što źjechali ŭ Polšču, abviaścili pra zapusk sajta mostmedia.io
Sajt mostmedia.io źbirajecca aśviatlać žyćcio biełaruska-polskaha pamiežža, pisać pra palityčnyja padziei ŭ abiedźviuch krainach, žyćcio biełaruskaj dyjaspary ŭ Polščy, davać biełarusam parady pa pierajeździe ŭ Polšču i lehalizacyi ŭ hetaj krainie.
19.01.2022 / 19:47
Stvaralniki sajta, jaki bazujecca ŭ Biełastoku, pišuć:
«My raźličvajem, što vielmi chutka hety startap vyraście ŭ paŭnavartasnaje miedyja, cikavaje i karysnaje dla biełarusaŭ pa abodva baki polska-biełaruskaj miažy. Tut užo publikujucca naviny, repartažy, historyi, raznastajnyja hajdy. Budziem rady, kali vy staniecie našymi čytačami, i zvarotnaj suviazi!»
Tematyčna jany abiacajuć aśviatlać nastupnyja kirunki:
- naviny Hrodna i Biełastoka, Biełarusi i Polščy;
- čym žyvie biełaruska-polskaja miaža;
- pra palityčnuju situacyju ŭ Biełarusi i Polščy;
- pra historyju, kulturu, turyzm, biźnies;
- pra kryzis na biełaruska-polskaj miažy, vyklikany mihrantami ź Blizkaha Uschodu;
- pra žyćcio biełaruskaj dyjaspary ŭ Polščy.