Vialikabrytanija admianiaje karanavirusnyja abmiežavańni
Premjer-ministr Vialikabrytanii Barys Džonsan abviaściŭ ab skasavańni z 26 studzienia abmiežavańniaŭ, uviedzienych u Anhlii praz raspaŭsiud varyjantu karonavirusa «amikron», paviedamlaje BBC News.
19.01.2022 / 19:17
Fota: GrinPhoto / depositphotos.com
Vystupajučy ŭ Pałacie abščyn, Džonsan zajaviŭ, što, na dumku ekśpiertaŭ, ciapierašniaja chvala raspaŭsiudžvańnia koranavirusa ŭžo dasiahnuła piku na nacyjanalnym uzroŭni.
Z 26 studzienia ŭ Anhlii budzie admieniena abaviazkovaje vykarystańnie masak ŭ hramadskich miescach, heta stanie rekamiendacyjaj. Taksama admieniać patrabavańnie pradjaŭlać kavid-pašpart dla naviedvańnia načnych kłubaŭ, kancertaŭ i masavych mierapryjemstvaŭ.
Ułady Anhlii pakinuli na vybar arhanizataraŭ asobnych mierapryjemstvaŭ pytańnie ab tym, vykarystoŭvać ci nie kavid-pašparty dla propusku ludziej.
Barys Džonsan taksama adznačyŭ, što ŭłady nie buduć rekamiendavać žycharam pracavać z domu, tamu im varta abmierkavać viartańnie ŭ ofisy sa svaimi pracadaŭcami.
Akramia taho, užo 20 studzienia vučni starejšych kłasaŭ zmohuć nie nasić maski ŭ škołach.
Premjer-ministr dadaŭ, što ŭrad źbirajecca admianić patrabavańnie ab izalacyi ludziej, u jakich vyjavili kavid. Pavodle jaho słoŭ, pakul heta patrabavańnie zastajecca ŭ sile, ale z časam pavinna stać tolki rekamiendacyjaj.