Biełaruskaja kalijnaja kampanija pryhraziła Litvie sudom i spynieńniem tranzitu
Paśla taho, jak nabyli moc sankcyi ZŠA ŭ dačynieńni da «Biełaruśkałija», tranzit praź Litvu biełaruskich uhnajeńniaŭ praciahnuŭsia.
21.12.2021 / 09:30
Pra heta ŭ intervju LRT zajaviła pradstaŭnik BKK Iryna Saŭčanka, piša reform.by.
Pavodle jaje słoŭ, sankcyi ZŠA napramuju nie zakranajuć uzajemaadnosiny biełaruskich kampanij ź Litoŭskaj čyhunkaj. Jana taksama zajaviła, što situacyja nie źmienicca i paśla taho, jak sankcyi ZŠA suprać BKK nabuduć moc.
Saŭčanka skazała, što kali Litva pasprabuje spynić tranzit u adnabakovym paradku, to biełaruski bok budzie padavać u sud. Taksama jana sprahnazavała sudovyja iski i ad kłijentaŭ BKK i dadała, što Biełaruś moža spynić čyhunačny tranzit u napramku Litvy.
Nahadajem, što paśla taho, jak nabyli moc sankcyi ZŠA ŭ dačynieńni da «Biełaruśkałija», tranzit praź Litvu biełaruskich uhnajeńniaŭ praciahnuŭsia. Heta spravakavała palityčny skandał u Litvie. Mintrans padaŭ va ŭrad prajekt, jaki praduhledžvaje adnabakovuju zabaronu na biełaruski tranzit.