За пост пра Лукашэнку ў Маскве арыштаваная Марыя Алёхіна з Pussy Riot
У Маскве паліцыя затрымала ўдзельніцу Pussy Riot Марыю Алёхіну. Пра гэта яна сама паведаміла «Медыязоне».
16.12.2021 / 23:43
Фота: all_mary / Instagram
Актывістку даставілі ў аддзел паліцыі. Алёхіна ўдакладніла, што яе затрымалі на выхадзе з кватэры.
Перад затрыманнем яна напісала пост у Instagram: «Зараз я выйду з хаты, мяне затрымаюць, павязуць у аддзел паліцыі і дадуць 15 сутак. За што? А ні за што. За пост з Лукашэнкам 2015 года».
Як паведаміў адвакат Данііл Берман, на Алёхіну склалі пратакол з-за рэпосту ў сторыс публікацыі ад 2015 года з Аляксандрам Лукашэнкам і трыма свастыкамі.