«Мяне сёння звольнілі, застаўся толькі медаль за 33 гады працы». З БДУ сышла прафесарка філфака
Ала Кожынава напісала ў Фэйсбуку: «Мяне сёння звольнілі — з 1 студзеня я ўжо не працую ў БДУ. Застаўся толькі медаль за 33 гады працы».
15.12.2021 / 16:49
Раней выкладчыца паўдзельнічала ў відэазвароце філалагічнага факультэта супраць гвалту.
Кожынава — прафесар кафедры тэарэтычнага і славянскага мовазнаўства філалагічнага факультэта. Яна вядомы вучоны ў галіне паланістыкі. З 1988 года працавала на кафедры тэарэтычнага і славянскага мовазнаўства філалагічнага факультэта БДУ. Была арганізатаркай міжнародных навуковых канферэнцый па актуальных праблемах польскай мовы.
Вядома, што Ала Кожынава звольнілася па пагадненні бакоў.