Сяргея Сацука прызналі палітычным зняволеным
8 снежня 2021 г. быў у чарговы раз затрыманы журналіст-расследвальнік, рэдактар беларускага партала «Ежедневник» (ej.by) Сяргей Сацук. У гэты ж дзень у яго прайшоў вобшук і адбыўся допыт у Следчым камітэце. Сайт партала ej.by быў заблакаваны.
09.12.2021 / 18:11
Пасля допыту па старой справе паводле артыкула 430 Крымінальнага кодэкса (атрыманне хабару) Сяргея Сацука ўзялі пад варту. Яго ўзялі пад варту ў СІЗА №1 на вул. Валадарскага ў Мінску.
Праваабаронцы прызналі яго палітвязнем.
Сяргей Сацук вядомы як журналіст і рэдактар, які займаецца журналісцкімі расследаваннямі. Адным з яго гучных расследаванняў была серыя публікацый аб карупцыі ў сістэме аховы здароўя Беларусі. За некалькі дзён да затрымання Сяргея Сацука «Ежедневник» пачаў праект па асвятленні спраў беларускіх «тэрарыстаў».