ZŠA zapeŭnili Ukrainu ŭ padtrymcy ŭ vypadku abvastreńnia situacyi na miažy ź Biełarussiu
ZŠA dapamohuć Ukrainie ŭ vypadku abvastreńnia situacyi na miažy krainy ź Biełarussiu. Pra heta zajaviła časovaja pavieranaja ŭ spravach ZŠA va Ukrainie Kryścina Kvin na sustrečy z kiraŭnikom MUS Dzianisam Manastyrskim.
04.12.2021 / 12:58
«Kryścina Kvin zapeŭniła pra hatoŭnaść ZŠA praciahvać padtrymku MUS Ukrainy ŭ vypadku abvastreńnia situacyi na miažy Ukrainy», — havorycca ŭ paviedamleńni ŭkrainskaha MUS. Adznačajecca, što pieramovy byli pryśviečanyja temie ŭzmacnieńnia ŭzajemadziejańnia bakoŭ u kantekście mahčymaha ŭzmacnieńnia napružanaści na miažy krainy.
Manastyrski zajaviŭ na sustrečy, što hetaje pytańnie i raniej było na paradku dnia ŭ bakoŭ, adnak ciapier jano «maje patrebu ŭ bolšaj uvazie».
Ministr abarony Alaksiej Reźnikaŭ zajaŭlaŭ, vystupajučy ŭ Viarchoŭnaj radzie ŭ piatnicu, što ŭzbrojenyja siły Ukrainy hatovyja vykanać svaju častku pracy, kali budzie raści ŭzrovień pahrozy ataki mihrantaŭ z terytoryi Biełarusi.