У Перу знайшлі незвычайную мумію. Яна закрывае рукамі твар ФОТА
На думку археолагаў, яе пахавалі яшчэ да ўзнікнення на тэрыторыі цяперашняга Перу імперыі інкаў. Ёй можа быць ад 800 да 1200 гадоў, піша Бі-бі-сі.
02.12.2021 / 15:31
Акрамя нехарактэрнага становішча рук археолагаў здзівіла тое, што ўсё цела муміі было перавязанае вяроўкамі. Мяркуецца, што такая была мясцовая традыцыя пахавання.
Знаходка была зробленая на раскопках у мясцовасці Кахамаркілья непадалёк ад Лімы, сталіцы Перу.
У месцы пахавання таксама быў знойдзены посуд з рознымі травамі, як мяркуецца, ён служыў падарункамі.