Pad Astraŭcom u sutyknieńni z łasiom zahinuŭ małady kiroŭca z Rasii
19 listapada ŭ 17:40 na aŭtadarozie Hoza — Astraviec 21-hadovy kiroŭca, kirujučy aŭtamabilem «Łada Pryjora», ruchaŭsia ŭ napramku rajcentra. Na 19-m kiłamietry jon najechaŭ na łasia, jaki vybieh na darohu. Paśla sutyknieńnia aŭtamabil zjechaŭ u kiuviet, paviedamlaje newgrodno.by.
20.11.2021 / 13:47
Udar pryjšoŭsia na bok kiroŭcy, jaki pamior na miescy zdareńnia. 22-hadovy i 25-hadovy pasažyry, iakija znachodzilisia ŭ aŭto, z traŭmami špitalizavanyja ŭ miascovuju balnicu. Usie hramadzianie Rasijskaj Fiederacyi.
Krychu raniej kiroŭca pryciahvaŭsia za kiravańnie aŭtamabilem z plonkavymi pakryćciami. Taniroŭka ŭsich voknaŭ, u tym liku i łabavoha škła, mahčyma, adbiłasia na bačnaści darožnaj abstanoŭki z miesca kiroŭcy. Ci byli ŭdzielniki avaryi pryšpilenyja ramianiami biaśpieki, a taksama ź jakoj chutkaściu ruchaŭsia aŭtamabil da sutyknieńnia, vyśvietlicca padčas pravierki.
Učastak, dzie adbyłosia DTZ, paznačany śviatłodyjodnymi darožnymi znakami «Dzikija žyvioły». Łoś paśla DTZ zahinuŭ.