Admianili minski kancert Maruv. Śpiavačka ŭpeŭniena: heta pomsta ŭładaŭ za admovu vystupać na «Słavianskim bazary»
Ukrainskaja śpiavačka Maruv paviedamiła ab admienie kancerta, zapłanavanaha na 20 listapada ŭ Minsku. Na sajcie kancertnaj zały adznačana, što heta źviazana z anulavańniem hastrolnaha paśviedčańnia.
17.11.2021 / 17:23
Sama śpiavačka vykazała mierkavańnie, što admiena kancerta moža być źviazana ź jaie admovaj udzielničać u «Słavianskim bazary» sioleta. Akramia taho, adna z pryčyn — nieadpaviednaść prahramy ŭzrostavamu cenzu «16+», chacia takoje ŭzrostavaje abmiežavańnie vyznačali sami haradskija ŭłady, kaža śpiavačka, kali vydavali paśviedčańnie na praviadzieńnie kancerta.
«Na žal, maich kancertaŭ jašče doŭha nie budzie ŭ Biełarusi, chacia ja b vielmi hetaha chacieła», — skazała Maruv.