Аўтобус з беларусамі трапіў у ДТЗ пад Кіевам. Шасцёра чалавек у бальніцы
Аварыя адбылася ў чацвер на 51-м кіламетры трасы Кіеў — Знаменка. Мікрааўтобус сутыкнуўся з грузавіком. Паводле звестак мясцовай паліцыі, у аўтобусе знаходзіліся 17 чалавек — усе беларускія грамадзяне.
22.10.2021 / 08:29
Фота ўкраінскай паліцыі
Шасцёра чалавек дастаўленыя ў Абухоўскую бальніцу, паведамляе Мінздароўя.
Пасля першаснага агляду дактары паведамілі беларускім калегам, што пацярпелыя атрымалі траўмы сярэдняй і лёгкай ступені. Іх жыццю нічога не пагражае.
Спецыялісты Міністэрства аховы здароўя Беларусі знаходзяцца ў пастаянным кантакце з украінскімі спецыялістамі, паведамляе ведамства.